Өлең, жыр, ақындар

Келер еді

  • 26.02.2018
  • 0
  • 0
  • 2643
Анашым!
Тірі болса келер еді.
Келер еді толтырып кенерені.
Келер еді ақсарбас жолына атап,
Баласы болған кезде немерелі...
Көл-көсір жасар еді шілдехана,
Ырымсыз мұндай сәтте жүрмес ана.
Шандатып қырқаларды ат бәйгесі,
Думанмен қызар еді бұл босаға!
Ауылын жинар еді аймағымен,
Қайран менің анашым!
Ойлары кең.
Әдетінше той алдын өзі бастап,
Отыратын ақжарқын,
Жайдарым ең.
Даусы да қарлықпайтын ұзақ таңға,
Өзіңсіз ол кезде қыз ұзатқан ба.
Сағынып отырамын сол әніңді,
Бір жола,
Алыс сапар ұзатсам да.
Қалайша арамыздан ерте кеттің,
Қалайша елден ерек еркелеттің.
Қалайша ерте үзілді әсем әнің,
Ерекше табиғатың берсе де екпін.
Балайтын жұрт өзіңді жүректіге,
Алғыс пен аямайтын тілекті де.
Көксеген күндеріңе жете алмадың,
Сағыныш елге деген жүдетті де.
Арман мен сезім селін кешем бүгін,
Қалыпты аңыз болып шешендігің
Болғанмен көзден таса,
Анашым-ау!
Арманың елге деген,
Өшер ме үнің...



Пікірлер (0)

Пікір қалдырыңыз

Нөсерден соң

  • 0
  • 0

Толғанып күн қабағын түйді қатты,
Зілімен басқандай-ақ гүлді алапты.
Үйіріліп отты жарқыл ойнақ салып,
Қара бұлт ақ жаңбырын құйып жатты.

Толық

Алаң – теңіз, адам – толқын

  • 0
  • 0

Қызыл алаң!
Тас көше түзу кеткен,
Қызыл нұр қыз жүзінде сызылды еппен
Жұлдызы Кремльдің жарқыраса,

Толық

Сырлы дүние

  • 0
  • 0

Мынау кеудем қашаннан да армандардың тұрағы,
Айна көлдің жанарлары мөлт-мөлт етіп тұнады.
Тынымы жоқ толқиды кеп аққу үміт ілгері,
Жалынға орап жастығымның зулайды алға күндері.

Толық

Қарап көріңіз