Өлеңдер Бөлімі

Дұғай сәлем!

  • admin
  • 26.02.2018
  • 0
  • 0
  • 1470
Дұғай сәлем айта бар елге менен,
Түсіп жатыр жолдарға өрнек өлең.
Өлеңімен әуре боп жүрген балаң,
Өрлемеген,
Бақыты,
Өрлемеген!
Дұғай сәлем айта бар жолдастарға,
Сөйлеп кетсе үндері талмас таңға.
Сабақтастың сәлемі таусылар ма,
Арманы ортақ,
Тілегі жалғас жанға.
Дұғай сәлем айта бар құрбыласқа,
Қуанатын арай таң түндік ашса.
Келер күннің қадамы құтты болып,
Арман бар ма,
Жүрегі жырға ұласса!
Дұғай сәлем айта бар үлкендерге,
Қайран қарттар!
Қара жер бүркенген бе...
Сақтап келем жадымда жалтармаймын,
Қанат қағып, қалықтап жүрсем де ерде.
Дұғай сәлем айта бар кішілерге,
Бауырласым, бағамды түсінер де
Жиі ойлап жүремін жүрек сыздап,
Басқан сайын қадамым,
Ісім өрге.
Бар ма менен олардың айырмасы,
Тамар кейде көзімнің ауыр жасы...
Сияқтымыз құстардың қос қанаты
Сияқтымыз бір әннің қайырмасы.
Дұғай сәлем айта бар елге менен,
Түсіп жатыр қағазға өрнек өлең.
Өлеңмен әуре боп жүрген балаң,
Төрлемеген бақыты,
Өрлемеген!
Дұғай сәлем айта бар елге менен!


Жалын

  • 0
  • 0

Көңіл — перне абайсыз басып қалып,
Толастады дауыл-күй,
Тасып барып.
Есіліп тұрсыншы бір сол нәзік ән,

Толық

Түн аунап тізесінде

  • 0
  • 0

Салқын самал.
Тау баурайы соншама көркем еді,
Аңыз дерсің естіген ертедегі.
Түн аунап тізесінде жасыл белдің,

Толық

Ақ боран

  • 0
  • 1

Гуілдейді ақ боран бұрқақтаған,
Әппақ, нәзік ұлпасын бүркеп маған.
Бара жатыр құйындар белдерді асып,
Торғын қарды үйіріп, ұнтақтаған.

Толық

Қарап көріңіз


Пікірлер (0)

Пікір қалдырыңыз

×