Гитлердің жоспары

Ерте, ерте, ертеде,
Соғыс қаупі туған сəтте өлкеге,
Маңдайынан жел есетін жұрттан зерек ақылды,
Гитлер барлық қол шоқпарын құрылтайға шақырды.

Барлығының аударып ап назарын,
Гитлер былай бастап кетті базарын:

Бағындыру үшін барлық ғаламды,
Жоспар құру қажет екен жарамды.
Жүз ғасырлық ғұмыры бар,
Тау шыңындай тұғыры бар,
Шығыс деген қаруыңнан сескеніп,
Шегінбейді, олар солай өскен ұлт.
Түбін жою үшін берік тамырдың,
Соғыс бастап, ауыр халге таңылдым.
Білем, білем, мен бұл жолы жаңылдым.
Бірақ, біздің соғыс енді басталды,
Жалынынан жау үркитін жастарды,
Шақырыңдар баяндаймын жоспарды.

Өнерден туған асылдай,
Нөсерлеп құяр жасындай,
Топ бастаған жастарының жалынды,
Түрін көріп ауыр ойдан арылды.

Шығыс деген шымыр халық шыныққан,
Мен, ақымақ оны қалай ұмытқам.
Тамырымен жою үшін,
Бір нүктесін қою үшін,
Қоныс таппай қалатындай қонарға.
Мен мəдени соғыс ашам оларға.

Санасына сіңіретін таңдаусыз,
Кесел болып кіретіні əн даусыз.
Баяғыдан сəні кеткен,
Əндеріңді мəні кеткен,
Ызыңындай қайта-қайта араның
Құлағына құйып өсір баланың.

Сонда ғана ойлануға күші жетпей шығыстың,
Байыбына бармай өсер жасалатын ұлы істің.
Аманатын бабалардың,
Бесік жырын аналардың,
Ұмыттырсақ жоспарымның оңғаны,
Əнін жою бар мақсатым сондағы.

Деді Гитлер, қу түлкінің жамылып ап терісін,
Сұм тірлікке барады екен тарландар да ел үшін.

Əн халықтың қазынасы, асылы,
Түсіндіру қажет елге осыны.
Ығай-жығай билеген,
Мəдениеті күйреген,
Шығыс бүгін шыңырауда шыдап тұр,
Шың-шың еткен шындығыңа құлақ түр.

Сен бөдене таланттарды асыл ғып,
Өз еліңнің мойынына масыл ғып,
Бұл жоспарға беріп қойдың басымдық.

---