Өлең, жыр, ақындар

Аппассионата

  • 13.03.2018
  • 0
  • 0
  • 1604
Құшағы толғандай бір лала гүлге,
Шалқыды даласымен бала бірге.
Бетховеннің құдіретті —
Сазды әуені
Жетелеп
Жолаушыны барады үйге.
Серпе тастап өткен күн түндіктерің,
Шалқытып күй сазынан
Шындық лебін.
Шерлі сыр ақтарады
Күй сандығы,
Тұтқындап жан дүниеңді сұмдық сезім.
Ол күйде —
Жатыр жүрек суреттері,
Ол күйде —
Жатыр ғасыр құдіреттері.
Ол күйде —
Жатыр әне,
Ұшқыр ойдың,
Тұтасқан,
Түйдектелген тың лектері.
Ол күйде —
Жатыр заман тыныстары,
Ол күйде —
Жатыр жаздың күміс бағы.
Ол күйде —
Жатыр талай толғаныстар,
Осы күй —
Қозғау салар ұлы іске әлі!..
Ол күйде —
Жатыр талай құбылыстар,
Ол күйде —
Жатыр бұраң,
Бұрылыстар...
Ол күйде —
Асқақ ерлер даусы бар,
Жығылмас әділеттің туын ұстар.
Ол күйден —
Уақыт көші дүркіреді,
Адамның жортқан небір түлкілері...
Жан төзбес
Жауыздықтың жағасынан
Жаңа күші дәуірдің сілкіледі!
Құшағы толғандай бір лала гүлге,
Шалқиды даласымен бала бірге.
Бетховеннің құдіретті
Сазды әуені,
Жолаушыны —
Жетелеп барады үйге...



Пікірлер (0)

Пікір қалдырыңыз

Қына басқан қарағай

  • 0
  • 0

Салмағын салса да оған мынау аспан,
Күлместен,
Күңіренбестен,
Жыламастан,

Толық

Елін бастап ереуілге, ерлікке

  • 0
  • 0

Көп көріп ата жаудан қастандықты,
Қас батырлар өткен ғой асқан мықты.
Елін бастап ерлікке, ереуілге,
Ғасырлар аңсап келген бостандықты.

Толық

Хаттар

  • 0
  • 0

Кездерімде көп қағазды ақтарған,
Көрем ұдай бір жылылық хаттардан.
Естігендей болам күлкі сыңғырын,
Сағындырған сонау тәтті шақтардан.

Толық

Қарап көріңіз