Өлең, жыр, ақындар

Сәлем айтты Алатау

  • 13.03.2018
  • 0
  • 0
  • 2048
Адамдар толқын дерсің сапырылған,
Шалғайдан қонақ та көп
Шақырылған.
Үн жетпеске қолымды сен жеткіздің,
Айналайын,
Алтын заң, ғасырымнан.
Мен бүгін биік тұрмын дәуіріммен,
Шарықтасам,
Шаң жұқпас бауырың кең.
Көкжиегің —
Көңілімнің көгінде тұр,
Қалаңмен
Қатар қонған ауылым тең.
Айтпасам да білесің,
Ауыл қызың,
Қашан да жасқай алмас
Дауыл жүзін.
Гүл құшқан жүрегінде көктем түлеп,
Өткерген бастан өмір ауыр күзін...
Көрдің ғой,
Кеше төккен зарлы жасын,
Ұшырды бүгін талай қарлығашын.
Риза болып бәрі үшін сәлем айтты,
Алатауым,
Күн құшқан қарлы басын!
Келген жоқ бақытты күн тегін маған,
Отырмын,
Ойлар толғап, төрінде аман.
Ақ Еділ жағасынан қолын бұлғап,
Хош келдің, деп тұрғандай —
Ленин бабам!



Пікірлер (0)

Пікір қалдырыңыз

Қалың мұнар

  • 0
  • 0

Қаптың тауы бүркенді қалың мұнар,
Неліктен сол мұнарға жаның құмар?!
Шығыстың аруындай перде тартқан,
Мұнарың —

Толық

Ауыл барсаң

  • 0
  • 0

Ауыл барсаң,
Тауларын аралай бар,
Қаптап өскен қарсы алар қарағайлар.
Күнше күліп бөбектер шықса алдыңнан,

Толық

Дәрігер ойы

  • 0
  • 1

Көбірек сырласамыз өзіңізбен,
Көңілге нәр аламыз сөзіңізден.
Болдыңыз адамдардың жақын досы,
Елена, сонау жап-жас кезіңізден.

Толық