Ілияс Жансүгіров

Жүдеу жүрек

Бұл бетте «Жүдеу жүрек» атты Ілияс Жансүгіров жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

23.03.2018
0
0
16602

Былапыт, Ылат,
Былжыр күз.
Түнжыр қабақ,
Қылжыр көз.
Қыр қызықсыз
Тау түрсіз.
Су сұрықсыз,
Сүйкімсіз.
Жылауық көз
Сылбыр күз.
Көріксіз,
Әрсіз,
Ажарсыз.
Сілбірең
Тұман,
Көңілсіз.
Жауын
Айсыз,
Жұлдызсыз,
Түн,
Түнек
Түтін...
Үй жалғыз.
Отын дым,
От бықсиды.
Үрлейді қатын,
Сықсиды.
Қайнамай қазан,
Мықшиды,
Түксиді,
Мұқаш
Бүкшиді.
Ірге күңгірт
Көлеңке.
Бұрылды солай
Шүй желке.
Көрдей күңгірт
Үңгірде
Жатыр төсек,
Кір көрпе.
Кеше ғана үйге енген
Кеткен тоқал сүйгенмен.
Жүрегі сыздап,
Бой мүздап,
Үһ! - деді
Іші күйгеннен.

Жүдеу жүрек Ілияс Жансүгіров Ілияс Жансүгіров өлеңдері

Пікірлер (0)

Пікір қалдырыңыз

Жиі қойылатын сұрақтар