Өлең, жыр, ақындар

Жорық жырынан

  • 24.03.2018
  • 0
  • 0
  • 9806
Бүгінгі күнім - ұлы күн,
Бүгінгі күнім - жорығым.
Жау жағасын жығуға,
Жалауды биік байлаған.
Тапсырғамын... үкімет
Шығарсын деп декрет,
Тепсінгем, тастай түйілгем,
Құжынап құрттай қайнағам
Ашынғанға ашу боп,
Асынғанға тосу боп,
Жорыққа шапқам жауыма,
Салдырған күнім байбалам.
Өңшең жауыз, қанды ауыз,
Жеті жүз бас жалмауыз,
Ордаңа тигем ойрандап,
Аластап елден айдағам.
Жаншылғанды қуантқам,
Жаншығанды қуартқам,
Еңіренткенді күңіренткем,
Шайнағанды шайнағам.
Емес пе еді сол бүгін!
Еске салар оны кім,
Белгілі төбем маягім,
Белгілеп арнап тойлаған.
Тағы бүгін етем серт:
«Аударылсын жер мен көк».
Бүлдіріп, жасап, күлдіріп
Мұратқа жетем ойлаған.
Жау оңда ма, солда ма,
Жау сыртта ма, жолда ма,
Бойда қайрат, ойда жау,
Сақадай саймын, сайланам.



Пікірлер (0)

Пікір қалдырыңыз

Біздің бақша

  • 0
  • 0

Біз жатқан жердің шары өрге қарай,
Кең дала, терең теңіз, таулар талай.
Отаны ұлы Одақтың социалдық,
Ордасы көркем Мәскеу — Кеңес сарай.

Толық

Ұршық

  • 1
  • 2

Сыртылдама он саусақ,
Майдалап, мапа түтілші.
Шыртылдама шынашақ,
Шыр айналшы, шүйке ілші.

Толық

«Еңбекші қазақ»

  • 0
  • 0

«Еңбекші қазақ» он жасар
Октябрьдің ұлысың.
Октябрьдің әскері,
Партияның тілісін.

Толық

Қарап көріңіз