Өлең, жыр, ақындар

Тағы соған

  • 25.03.2018
  • 0
  • 0
  • 5644
Айнымай, қоспай дәл айтсам,
Жалғанда, сәулем, сұлусың.
Бет бітімді сұлу бар,
Туылса сендей туылсын.
Көкке біткен сұлу көп,
Сұлуда күннің нұрысың.
Жүрегім аяз, жаным мұз,
Жақында, саған жылынсын.
Жерден өнген сұлу көп,
Сұлуда соның гүлісің.
Дауа таппай жүр жаным,
Иіскейін, дерт үзілсін,
Кенде біткен асылдан,
Ақ алтынның. буысың,
Көлге біткен сұлу көп,
Сұлуда көлдің қуысың.
Көлінде көрін, жарқылда,
Кетейін суға қу үшін,
Таңға біткен таза көп,
Тазаның ағын суысың,
Күл, сарқыра, жарқыра,
Көңіл кірі жуылсын.
Көңіліме дерт, жаныма өрт,
Болған сенің тұрысың.
Арманым сен, дертім сен,
Сермедім қол, жетер ме.
Ұстар ма екен уысым.
Құшақтап еркін тиіскен.
Еріннен еркін сүйіскен.
Бал ішер ме екен, у ішім...



Пікірлер (0)

Пікір қалдырыңыз

Tалғамалар

  • 1
  • 3

Бірді жесең, майды же!
Аузында тұрсын жылтылдап.
Бірді мінсең, жүйрік мін!
Астында тұрсын жылпылдап.

Толық

Сәтімбекұлы Иманбектің жырынан

  • 0
  • 0

Терезеден келді де,
Мылтық сонда атылды.
Шейіт қылып оларды
Қызыл қанға батырды.

Толық

Радлов жинағынан

  • 0
  • 0

Міндім де осырақ қоңыз аяңдаттым,
Болдыртып аяғына қоянды аттым.
Апырым-ай! Сол қоянның семізін-ай,
Көтеріп қоңызыма қоя алмаппын.

Толық

Қарап көріңіз