Өлең, жыр, ақындар

Жас ақынға

  • 29.03.2018
  • 0
  • 0
  • 6502
Інім - ау, сенбе өсекке,
Досымын әлі мен жастың.
Боламын ұзақ есепте,
Көбіңмен әлі сырласпын.
Қуаныш маған әрқашан
Сәтімен шыққан өлеңің.
Өзіме сеніп жазбасам,
Жазар деп саған сенемін.
Қанатың жаңа қатайды,
Қияға серме, қарғашым.
Қыран деп сонда атайды
Қырымнан көзін шалғасын.
Отыңды көрсет лаулаған,
Жана бер өшпей, қарғашым,
Жылуыңды алсын жаураған
Оқушың, жаным тоңбасын.
Құзғындар күншіл кездесер
Қымсынба одан, қарғашым.
Қызғаныш, өсек сөз бе екен,
Шырқауға шығып алған соң.
Майыспа салмақ түсті деп,
Тілегім осы, қарғашым.
Қаймықпа, жауды күшті деп,
Сайысқа түсер болған соң.
Сүйемін сені өлгенше,
Ақ сөзім осы, қарғашым.
Сүйемін әлім келгенше,
Өтірік деген оңбасын.
Інім - ау, сенбе өсекке,
Досымын әлі мен жастың.
Боламын ұзақ есепте,
Көбіңмен әлі мұңдаспын!



Пікірлер (0)

Пікір қалдырыңыз

Асқар ақынға

  • 0
  • 0

Қызық қой, Асеке, бұл өмір білгенге,
Ләззәтін білмейсіз ішінде жүргенде.
Ұмытып кетеміз бейнетті күндерін
Көңіліміз жарқырап бір мезгіл күлгенде.

Толық

Тостар

  • 0
  • 0

Күтетін мені ғана жолдар үшін,
Сүйейтін мені ғана қолдар үшін,
Сүйейтін мені ғана жандар үшін,
Кәнекей тартып жібер, жолбарысым!

Толық

Сүйгенім сен

  • 0
  • 0

Сенші, сәулем: сүйгенім сен жалғанда,
Аңсарым сен - ойда жалғыз қалғанда.
Сен менікі, мен сенікі болмасам,
Өтер едім өкінумен арманда.

Толық

Қарап көріңіз