Өлең, жыр, ақындар

Ертең

  • 29.03.2018
  • 0
  • 0
  • 3512
Келеді ертең жарқырап күндей жаңа адам,
Келеді бізге қуаныш - шаттық көтеріп.
Тұрыңдар, достар, берейік орын арадан,
Ғажайып жанға қошемет, құрмет етелік.
Әзірлеу керек сәбидің шілдеханасын,
Әншілер қайда, күйшілер қайда? Жиналсын!
Жырласын ақын ананың туған баласын,
Оттысын таңдап сөздердің әбден қиналсын.
Кеңейсін мектеп, көбейсін тұрғын үйлер де,
Тазарсын ауа, көгере түссін гүлдер де,
Ұзарсын жолдар - сәбидің жүрер жолдары
Көбейсін кітап оқитын барлық тілдерде.
Бүгінді сүйем, жүрегім бірақ ертеңде,
Ертеңім мені тағы да күтіп алады.
Тағы бір жұлдыз туады жанып әлемге,
Тағы бір үміт жалтылдап тұрып жанады.



Пікірлер (0)

Пікір қалдырыңыз

З. С. Кедринаға

  • 0
  • 0

Тап кеше ғана саналушы едік жасқа біз,
Әлі өшкен жоқ қой сондағы біздің басқан із.
Шуылдап келдік сыбаға сұрап өмірден,
Тап болмасақ та дап-дайын тұрған асқа біз.

Толық

Сорлайды екенбіз

  • 0
  • 0

− Ассалаумағалайкүм, молда
Не ғып шықтың жолға?
Қайда барып, қайдан келесің,
Нелер көрдің онда?

Толық

Көкек

  • 0
  • 0

Бір қонып, бір секектеп,
Атым менің «көкек!»- деп.
Керек болса саған жаз
Келдім дейді жетектеп.

Толық

Қарап көріңіз