Жігерлену – Фариза Оңғарсынова

Бұл бетте «Жігерлену» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 31.03.2018
  • 0
  • 0
  • 6184
Еңсемді енді мен де бір көтерейін,
тамағымды кенейін, жөтелейін.
Көзі түспес көсемдер көрер ме екен –
бірін Беке, біреуін Төке дейін.
Жарқылдаған жұлдызды әлем мендей,
түгеншені ықтамай, Пәленге ермей
күн көріппін, жындарын құрыстырып,
биліктіге бұрылып сәлем бермей.
Қайда әулие қарттардан бата алғаным?
Жақсы, жаман өзімнің қатарларым,
бекпен ауыз жаласып не қорқытып
бөлісіп жүр шені мен шапандарын.
Биліктінің талайын батыл, белді,
алмас тісті шындықпен ақыл жеңді.
Ақылымның құны да тиын, егер
тоқтата алмаса сөзімен әкімдерді.
Тоқылдақ та тыңдатар орманға үнін,
құрығынан күштінің қорғар жырым.
Сөзімді өткізе алмасам әкімдерге
мен де олардай ақымақ болғандығым.


Пікірлер (0)

Пікір қалдырыңыз

Жиі қойылатын сұрақтар

Жігерлену өлеңінің авторы кім?

Фариза Оңғарсынова — осы өлеңнің авторы.

Жігерлену өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жігерлену өлеңі не туралы?

Бұл өлеңде Фариза Оңғарсынова өз ойы мен сезімін көркем түрде жеткізеді.

Жігерлену өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері