Өлең, жыр, ақындар

Бәрі, бәрі сатулы бұл өмірде

  • 01.04.2018
  • 0
  • 0
  • 10904
Бәрі, бәрі сатулы бұл өмірде,
сезімің бе, сертің бе, білегің бе,
достығың ба, көңіл мен жүрегің де –
жылаймын ба мен бұған күлемін бе?
Жақсы еді ғой, япыр-ау, жаста бәрі:
жетпесе де ас пенен ақша жағы.
Қара нанды қақ бөліп бірге жеген
қымбат еді достардың қас-қабағы.
Адал едік онда біз – есебі кем,
санамайтын қай үйде неше кілем.
Бүгін біздің сатулы сәлеміміз,
соның бәрі байлықтың кеселінен.
Байлық келді: көксеме, көксе мұны,
жақындарың жырақтап, дос кеміді.
Байлық - патша жанында қанды көйлек
Қызғаныш пен Бәсеке – қос серігі.
Тартылғанда теңіздер ну жағалы
сор қаптайды – Жер жаны қурағаны.
Адамзаттың бар жақсы сезімі де,
қызғаныштың зәрінен уланады.



Пікірлер (0)

Пікір қалдырыңыз

Жаныңа жақын келдім

  • 0
  • 0

Жаныңа жақын келдім,
пәк сенім жүрегімді биледі анық,
(шулы тірлік қуанып, кейде налып).
Қазір көше, талдарға сүйенемін

Толық

Тебіреніп жүрегіңнен жыр арнадың

  • 0
  • 0

Тебіреніп жүрегіңнен жыр арнадың,
көп мезгіл жылылығын ұға алмадым.
Мен саған үміт артар сөз бермедім,
сонда да ынтық болдың, өзгермедің.

Толық

Халық деген – тылсым бір

  • 0
  • 0

Халық деген – тылсым бір:
төзімі де теңіздей,
сезімі де теңіздей,
шалқарлығы даладай,

Толық

Қарап көріңіз