Қазағым

Бисмиллаһ деп бастайын өлеңімді,
Айта бергім келеді өлең-жырды.
Жүрегін толғандырып ұрпағымның,
Жазайын деп жырға толған өлеңімді.

Ассалаумағалейкум қазақ елім,
Дәстүрі бар, салты бар байтақ жерсің.
Сан ғасырдан келе жатқан бабалардың,
Мұра болып ұрпағыма қалды менің.

Болсын менің ұрпақтарым саналы,
Айтарым бар болыңыздар даналы.
Тілегіміз болашақта болсын деп,
Елім ждейтін, жерім дейтін ұрпағың.

Ұрпақ дейміз, бала дейміз бәріміз,
Бірақ қалай болып жатыр хәліміз.
Қазақ деген атымызды ұлықтап,
Жар салайық дүйім жұртқа бәріміз.

Қазақ мықты ер жүректі ұлдары,
Әсем, сұлу, қара торы қыздары.
Тәрбиесін тал бесіктен бастаған,
Аман болсын қазағымның ұрпағы.

---