Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Ілияс Жансүгіров

Бес жылдықтың ерлері

Бұл бетте «Бес жылдықтың ерлері» атты Ілияс Жансүгіров жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2018
0
0
3683

(Өз әнімен)

Партияның дегенімен,
Бесжылдықтап іс жасап.
Екпіндеген еңбегімен,
Тау ақтарып, тас қашап.
Жатқандар кім десеңдер,
Бесжылдыктың ерлері.
Жер жүзіне көсемдер,
Бесжылдықтың ерлері.
Алтын Алтай кенін алып,
Керегіне жаратып.
Жер жүзіне ұран салып,
Күллі әлемді қаратып.
Жатқандар кім десеңдер,
Бесжылдықтың ерлері.
Жер жүзінде көсемдер,
Бесжылдықтың ерлері.
Екпіндетіп алыс пенен,
Жер - жексенін қашаған.
Содиалдық жарыспенен
Жаңа дүние жасаған.
Кім десеңдер, жұмысшылар,
Бесжылдықтың ерлері.
Октябрьдің екпіндісі
Бесжылдықтың ерлері.

1932 жыл.

ер бес жылдықтың ерлері Ілияс Жансүгіров өлеңдері

Пікірлер (0)

Пікір қалдырыңыз

Жиі қойылатын сұрақтар