Өлең, жыр, ақындар

Алдымда суретің тұр ойнаңдаған

  • 12.07.2018
  • 0
  • 1
  • 5572
А, жаным, жүр екенсің әлдеқайда?
Құйын ба, әлде көңілін, әлде жай ма?
Алысқа сенен ұзап жүріп кеттім,
Ойлаймын көрермін деп бірер айда...
* * *
Мінеки, мен келемін ұзын жолда...
Көк жасыл көркем сурет оңда, солда.
Көңілімді мұның бірі уламайды,
Ұзын жол, Мәскеу, Баку, Орынбор да.
***
Мінеки, келатқаным Қапказ жолы,
Пәселке, қалың ағаш, жері — соңы.
Бәріне зауқым жоқ, көңілім быж-тыж,
Сықылды табылмаған жүрек жолы.
* * *
Саяхат сияқты емес бұл жүрісім,
Болғаны дерт сияқты бір сен үшін.
Ташкенде қайтарымда көрсем деген
Сол енді бар үмітім, бар тынысым
* * *
Сағындым сені көрмей айдан бері
Жүдедім ойлай-ойлай жоқтап сені.
Бәрінен Тәшкен тартып тұрған сынды,
Асығып сол қалаға қайтам енді.
Кезінде келсем екен жайраңдаған,
Көзіңді көрсем екен жайнаңдаған.
Көз жанып, қос бетіңнен нұрың тамып.
Алдымда суретің тұр ойнаңдаған.



Пікірлер (1)

Акерке Ашим

Негізі анау аитқандаи жақсы өлен емес екен. Бірақ болады

Пікір қалдырыңыз

Сезік

  • 0
  • 0

Желсіз күні жиналып,
Тағы да бұлт торлады.
Қас тағдырым пәлесі
Тағы да басқа орнады.

Толық

Әзәзіл

  • 0
  • 0

Түнде бұлбұл шырқап ән,
Орман шуы, қыз көзі —
Бәрі жаңа, бәрі сән.
Көрінгенде өмір езі,

Толық

Көлге

  • 0
  • 0

Көмкеруің көк көгал,
Күлмеңдеген күміс көл,
Көнерең кесте - құрақ, тал.
Кестеңді өртер күзгі жел.

Толық

Қарап көріңіз