Эссе және өлең-жыр байқауы

Кешірек...

  • admin
  • 12.07.2018
  • 0
  • 1
  • 1590
Өмірдің өрін өрмелеп,
Көңілдің өрін көрмеп ек.
Қайығында қалтылдап,
Өткелінде кешіп ек.
Теңізінде тербеліп,
Дауылында көшіп ек.
Орта белде кездесіп,
Бір көңіл, бір жан десіп,
Жүрек шерін шешіп ек.
Сүйісіп шын жүрекпен,
Өмірден бұл тілекпен,
Өтерміз-ау десіп ек,9
Сол сөзбенен келеміз,
Сөгер бізді «несі?» деп,
Не дегені не керек!
Саған жүдеп жүр жүрек,
Көзім қарай тесілед,
Өмір менен көңілде,
Біреу тойып секіред,
Біреу тоңып секіред,
Біреу бес күн есіред —
Мұның бірі бізде жоқ.
Бұлардікі қай қылық?
Дегендікі кесіред.
Көп толғадық біз сырды,
Көп сынадық өмірді,
Көп жыл, әлденеше рет.
Барады сүю тым күштеп,
«Жылдамырақ сүйіс!» — деп,
Тұр ғой бақыт елестеп...
Шын осылай шешілед!
Өзің жоқта жан — ауру,
Жаным — құйын, ой — лай,
Маужыраймын есінеп,
Жалғыз арман көңілде,
Өртеген от өмірде —
Кешірек, жаным, кешірек!


Кім десем

  • 1
  • 2

Ай жарық, нұры балқып тұрған түні,
Жарасып, жалтылдасып жұлдыз сыны,
Шағында аңсыз, дыңсыз қыбырлаған,
Дейтін - ақ секілденіп әлдекімі.

Толық

Ынтықтар

  • 1
  • 1

Күн батқан соң қарайып,
Қараңғы перде жабылар;
Құрт - құмырсқа, халайық,
Құс ұшпас, аңдар жалығар.

Толық

Кеңес

  • 0
  • 0

Маған нан: журнал жақтан маса, сона
Ызылдап, маза бермей, ұшса айнала,
Үндеме, асыл сөзді қылма шығын,
Арсыз шу, ызыңына қарсы болма.

Толық

Қарап көріңіз



Пікірлер (1)

Бақбергенқызы Лира

Мен сіздердің мына өлеңдеріңізді қатты
таңқалдым!⚘
Рахмет!

Пікір қалдырыңыз

×