Өлең, жыр, ақындар

Өмірдің, сәулем, тәттісі-ай

  • 12.07.2018
  • 0
  • 0
  • 7146
Өмір қызық тәтті екен,
Онда қызық мол екен.
«Онда қызық жоқ екен,
Өмір деген сор екен», —
Дегендер не айтты екен.
Өмір қызық екенін
Көрдім ғой мен көзіммен,
Көрдік бірге өзіңмен,
Өмірден құр безінген —
Үмітсіздік екенін.
Білдім кеше, бүгін де
Сөйлесіп күн батырған,
Сүйісіп таң атырған,
Аузыңнан бал татырған
Өмір — сенің үйің бе?
Өмірдің, сәулем, тәттісі-ай,
Өмір сұлу өзіңдей,
Өмір оны көзіндей,
Мінезіндей, сөзіндей...
...Өмірдің, сәулем, тәттісі-ай.


Пікірлер (0)

Пікір қалдырыңыз

Қанды қыран

  • 0
  • 0

Әлемге қанды қыран жайды құшақ,
Қап - қара дауылдата бұлтқа құсап,
Темірден тегеуріні құрыш қанат,
Шақырып жүр төбеде пышақ! пышақ!..

Толық

Қиялымнан түңілдім

  • 0
  • 0

Қиялымнан түңілдім,
Тілегімді тауыстым;
Жемісі бос көңілдің
Тек азаппен алыстым.

Толық

Белсенділерге

  • 0
  • 0

Жолдастар! Мен де өзіндей белсендімін,
Айтайын маған бір сөз берсең бүгін.
Қаңбақтай желді күнгі қалбаңдаумен,
Барады - ау, бастан асып мөлшерлі күн.

Толық