Өлең, жыр, ақындар

Альбомға

  • 17.03.2015
  • 1
  • 6
  • 18085
Сал демеймін сөзіме ықыласыңды,
Қайғылы өлең еттім өз басымды.
Көкірегім бар сырын өз әлінше,
Көрінгенге көрсетпей, көп жасырды.

Қол жазуды ермек ет, жатпа бекер,
Бұл көңілсіз дүниеден көп жыл өтер.
Өзі қысқа, өзі асау, тентек өмір
Арттағыға бір белгі қойса нетер?

Кім біледі, кез болса арттағылар
Ойға салып оқыр да, сөзін сынар.
Көзін салып, ойланып кейбір сөзін,
«Рас ау» деп мағынасын о дағы ұғар.

Кім білер, жабырқаңқы жазған сөзім
Жібермей, көп тоқтатар оның көзін.
Жолаушы жол үстінде тамаша еткен
Сықылды өткен жанның бір күмбезін.



Пікірлер (6)

АЙС

ӨТЕ ЖАҚСЫ ӨЛЕҢ

Ақылбикұлы Бибарыс

Абай жолы керемет

Ақылбикұлы Бибарыс

Абай өлеңдері өте жақсы

Мұрат

Абай Құнанбайұлының Альбомға атты өлеңі ұнады

Дос

Абай өлеңдер ғажап кой

Дос

Абай өлеңдері өте тамаша

Пікір қалдырыңыз

Ағыбайға

  • 0
  • 0

Адам деп есеп қылма Ағыбайды,
Анттан қорқып, құдайды танымайды.
Сабын жаққан терідей жылп-жылп етіп,
Шіркін-ай, бір орыннан табылмайды.

Толық

Қараңғы түнде тау қалғып

  • 1
  • 3

Қараңғы түнде тау қалғып,
Ұйқыға кетер балбырап.
Даланы жым-жырт, дел-сал қып,
Түн басады салбырап.

Толық

Мәз болады болысың

  • 1
  • 7

Мәз болады болысың,
Арқаға ұлық қаққанға,
Шелтірейтіп орысың,
Шенді шекпен жапқанға.

Толық

Қарап көріңіз