Өлең, жыр, ақындар

Маған күш бер

  • 22.07.2018
  • 0
  • 0
  • 1987
(Иван Франкодан)

Туғызған бар әлемді анамсың, жер,
Майданда қайыспайтын болайын ер
Күшіңнен көлдей болған түбіндегі,
Ей, ана, бір тамшысын маған да бер.
Жылылық бер кеудемді кернегендей,
Қан тасып, сезім көкке өрлегендей,
Адалдық, туысқандық бер адамға
Өмірде тасқындай боп кеулегендей.
Дүниені нажағайдай тітірентер,
Ұлы әмір, жалындаған өткір сөз бер.
Қайрат бер зұлымдықты жеміргендей
Мәңгілік әділдікті аңыз етер.
Қолға күш бер бұғауды талқандарлық,
Ойға ізгілік, жүрекке түссін жарық,
Бер еңбекті, өлсек те соныменен
Сол еңбекпен ілгері ұмтылалық!



Пікірлер (0)

Пікір қалдырыңыз

Өлеңім менің

  • 0
  • 0

Өлең — маған сыр алғы достың бірі,
Келген үні құлаққа туған күні.
Адам ойы, ақылмен тізген сөздің
Кейі қатал, келеді кейі жылы...

Толық

Бір ақынға

  • 0
  • 0

Балға астында «лирикаңыз»
Даусы шығады жылаған.
Ұрмашы, ақын, балғаменен
Сенен қолқам сұраған.

Толық

Шың мен адам

  • 0
  • 0

Тоғайда шың, тау да шың
Жаңғырады күндіз, түн...
Тоқтамайды, тынбайды,
Тек сол әнмен жырлайды.

Толық

Қарап көріңіз