Өлең, жыр, ақындар

Украина қызына

  • 22.07.2018
  • 0
  • 0
  • 2188
Жайланып, қару-жарақсыз,
Жатырмын, мұнда мен неге?
Өр жүрегім тағатсыз,
Жабырқау тарттың сен неге?
Майдандас достан айырып,
«Жан сауға ма» мені алған.
Сәулетсіз қара тіршілік,
Еттім қашан сені арман!
Төсекке тарттың тән - дене,
Қалды жорық... қалды ду...
Жалынбас ғұмыр пендеге,
Жалынды жүрек, болдың у...
Босат мені, қарағым,
Украина қызы, қарындас.
Қайда екен қару-жарағым;
Қайда майдан, қанда айқас.
Жорыққа мен де енейін,
Оқ жаудыра түн бойлап,
Жаралы жанмын демейін,
Отанды ойлап, елді ойлап
Тұтанып санам, толып ар,
Қысады мені жан-жақтан.
Бер қаруды, бер майдан.
Күреспен өмір артықсын.
Телміріп мұнда жатқаннан,
Тең ұрыста жан шықсын.
Ағалап бір көз жалынды
Қадірлі сұлу қара көз.
Көрсетіп ақ қан қанымды,
Күңірене маған айтты сөз,
— Тоқта, жолдас, тоқта дос,
Жаралы денең жай тапқыз.
Сүйдім ерлер жүрегін,
Сүйдім ұлы жорығын.



Пікірлер (0)

Пікір қалдырыңыз

Киров

  • 0
  • 0

Байтақ дала, асқар тау,
Сен тілсіз күш, сен мылқау.
ЬІзыңдама асау жел,
Ұйқыда емен мен ояу.

Толық

Май күйі

  • 0
  • 0

Кең далаға қараңдаршы, балалар!
Ағаш көктеп, Май да бізге келіпті,
Алатаудан басқа жерде қалмай қар,
Жаз өмірден мықтап орын теуіп.

Толық

Қара теңізде

  • 0
  • 0

Қайсар теңіз, неге көбік атасың,
Бұрқылдайсың ойран болып ақырып?
Ақ төсіңде мен келемін әндетіп,
Сен тулайсың дауыл, боран шақырып!

Толық

Қарап көріңіз