Өлең, жыр, ақындар

Сен қожа

  • 22.07.2018
  • 0
  • 0
  • 1656
Көк киімді көп неміс
Кеше — «қожа», бүгін — күл
Өңірі жыртық, көзі жас
Көшеңде кірпіш тасып жүр,
Автомат жоқ қолында,
Бал жинамайды — жан атып,
Біздің күш басын идірген,
Өлер күнін санатып,
Ол жеңілген, сен — қожа,
Киев — совет қаласы.
Азат мәңгі, мәңгі азат,
Украина даласы.
* * *
Оқ тескенде көкірегімді қан талап,
Украин шал сені таптым әкелеп.
Ессіз жаттым, топырағыңды қалқалап,
Қызың бақты жан жарасын мәпелеп.
Соғыс зары талай сағаң төгілді,
Бірге шектім қатерлі ауыр сапарды.
Қарсы ал мені солдатың, ұлың
Қанды айқаста берген өзің батаңды.
Бақыт деген немене
Уайым деген немене
Сағыну деген немене
Сарғаю деген немене
Бастан кешкен күн емей.
Сәулесіз қара түн емей.
Сайранды дария көл емей?
Сарша тамыз шел емей!
* * *
Сен айтпа менің жайымды!
Сұрасаң сұра өзімнен.
Іздеме күн мен айымды,
Ұға алмасаң сөзімнен.
Шаршама, ойың жетпесе.
Арығыңды қамшылап.
Сауда емес өтер ептесе...
Өлеңде нең барынан сұрап!!
Әуреге салма, жас құрбым!
Азапқа жаным төзе алмас.
Тоқсан дау... зая тоғыз сын,
Бергенін өмір өзі алмас.



Пікірлер (0)

Пікір қалдырыңыз

Жолығар кезді мен күттім

  • 0
  • 0

Жолығар кезді мен күттім,
Жүректе асау тына алмай,
Жарқ еткен алдан ұмытпа,
Отырдым тілін ұға алмай...

Толық

Маған күш бер

  • 0
  • 0

Туғызған бар әлемді анамсың, жер,
Майданда қайыспайтын болайын ер
Күшіңнен көлдей болған түбіндегі,
Ей, ана, бір тамшысын маған да бер.

Толық

Жеңіс күні

  • 0
  • 1

Сарғая күткен ұлы күн
Шұғыласы бүгін жарқ етті,
Бағына талай миллионның
Баянды жеңіс күн жетті.

Толық

Қарап көріңіз