Өлең, жыр, ақындар

Колхоз таңы

  • 22.07.2018
  • 0
  • 0
  • 1562
Барқытқа қызыл малынып
Жерге қарап тан. күлді,
Қалғандай елді сағынып
Бір күлмеді, сан күлді...
Қарсы алды колхоз ерлері
Таңды еңбектің төрімен,
«Кел сүйіктім, кел» деді,
Күттім бір түн сені мен.
Қайтпай кеше үйіне
Қалып еді қарындас.
Комбайнның биіне
Соныменен бірге бас!
Жерде бидай, көкте күн,
Таң қалдырсын көркімен,
Қайсар қызы колхоздың
Шықсын айтқан сертінен.
Қимылдады талай қол,
Қырман басты даланы,
Еңбек қызу, егін мол,
Бақыт күле қарады.
Керуен тартты шұбалы,
Астық тием күндіз - түн,
Қарады әлем таң қалып
Құдіретіне колхоздың.
Қоршама бұлт көгімді,
Қалқып сұлу күн жүрсін.
Орып піскен егінді
Колхоз ісін тындырсын.
Қызыл арай, ақ таңдақ
Күнде бірге қабыссын!
Ер мен енбек, таңғы шақ
Тоқ басынан табыссын!



Пікірлер (0)

Пікір қалдырыңыз

Айрылысқан досқа

  • 0
  • 1

Деушілер сені саналы жан
Өзімді де әм сондай,
Біріміз нұр жанар Шолпан
Екіншіміз алтын ай.

Толық

Ленин атымен

  • 0
  • 0

Ышқына бір соқты боран қуырып,
Әлек салды жер өкпесін суырып.
Діріл қақты, қалшылдады дүние
Қыл тұзақта тұра қалды буынып...

Толық

Сайлау күнгі қуаныш

  • 0
  • 0

Бар жүректің бірдей соғып тынысы.
Бар қуаныш құйылғандай бір көлге.
Бар өмірдің зырыл қағып жүрісі,
Барлық бақыт жиналғандай бір жерге.

Толық

Қарап көріңіз