Бөгелген хат

Ташкенттен келген бұл хат жаз басында,
Наданның кешіп күні жамбасында.
Сандыққа жүкке жиған түсіп қалып,
Жүн-жұрқа қалған жатып далдасында.
Жаз оқып, айналып(айланып) күн күзге таман
Шаруа ескеріп, жинасып, шөп, шар, сабан.
Газеттің арасында бұғып жатып,
Ашылмай қолға тиді есен-аман.
Жатыпты жаздан тимей біздің қолға,
Сол үшін қалды тоқтап мұнша соңға.
Газеттің арасынан шыққаннан соң,
Барлығын әрең айтты сонда зорға.
"Хат баратын жеріне барды ғой!" - деп,
Мен жүрдім: "Солар бір хат салды ғой!" -)
Маған айтпай қойыпты алған кісі:
"Жоғалып әлдеқашан қалды ғой!" - деп.
Бір кұшақ газетпенен қабатталып,
Біреудің сандығында жаздай қалып.
Ел күзекке келгенде күздігүні,
Аяқсыз хат домалап келді салып.
"һауа алхин алақиддом" - хаттың басы,
Шеберлігін Құдіреттің білмейді ғасы,
Аман сақтап тигізген хатты қолға
Құдайдың бұл бір - ғыхжап тамашасы.
Жеткізген сау-сәлемет Хақтың аты,
Достардың(дослардың) Ташкенттегі жазған(иазған)
Жерлерге тірілікте жетерміз (житармыз) бе?
Бір екен басылмаған қалған саты.