Өлең, жыр, ақындар

Ульба жағасындағы кеш

  • 14.08.2018
  • 0
  • 0
  • 1915
Сол түнгі аспан тұнық тым,
Ән қалқыған жырақта.
Сол бір ғажап тымық тұн,
Қайталанбас бірақ та.
Ульба үсті шымырлап,
Ақшабаққа көмілген,
Сол түні үнсіз сыбырлап,
Жұлдыз да ұзақ көз ілген.
Бар маңайды түн жайлап,
Маужыраған бір қалып.
Жағалауда тұрды ойлап,
Ақ қайындар ырғалып.
Ұйқылы-ояу тұр дала,
Тыныстап бар тіршілік.
Тек — танымсыз бір ғана,
Аунайды Ульба күрсініп.
Жалтылдап толқын құбылып,
Жатады құшып нұрлы айды.
Жалт қарайды бұрылып,
Жаныңды тербеп жырлайды.
Ағады Ульба ақыраған,
Құшып қайың етегін.
Бірін-бірі сапыраған,
Көремін толқын жетегін.
Қандай әсем кеш еді,
Сыңғырлаған сұлу үн.
Күндер жылжып көшеді,
Кеудеме құйып жылуын.
Толқын әнін ал тыңдап,
Сырлы, тұнық ол аса.
Жалғыз қайық қалтылдап,
Кетті жүзіп оңаша...



Пікірлер (0)

Пікір қалдырыңыз

Қиыласың

  • 0
  • 0

Қиыласың, домбыраңды шертші деп,
Тымық күнде дауыл тілеп, өрт тілеп.
Бұл өмірде қуанышты да, көкірегін
Қасіретпен қарс айырған дертті көп.

Толық

Жүрекпен сырласу

  • 0
  • 0

Дейді маған дәрігерім, қозғалма,
Бірақ ақын ойланбайтын, кез бар ма.
Ақ палата ішіндегі тірлікпен,
Тағы да бір қимас күнім озды алға.

Толық

Жамбыл ата жерінде

  • 0
  • 0

Жеріңе келіп тұрмын, Жамбыл ата,
Кеудемнен кербез көлге ән құлата.
Жасынды бер деп, сірә, тілемеймін,
Ақжолтай батаңды бер, даңғыл ата.

Толық

Қарап көріңіз