Өлең, жыр, ақындар

Қайтқан құстар әні

  • 14.08.2018
  • 0
  • 0
  • 3886
Күз аспаны қайта-қайта түнеріп,
Кербез дала кемеліне түр еніп.
Ақ қалпағын шекесіне қондырған,
Алатауым ат үстінен шіреніп.
Долы бұлттар көздің жасын сарқады,
Түрлі-түсті кемпірқосақ арқаны.
Бетегесін желпілдетіп қыраттың,
Сыбызғы жел әсем сазды тартады.
Бұл өмірден күнде жаңа күй ұғып,
Сұрғылт тұман құзға қашты бұйығып.
Кейде нәзік,
Кейде қатқыл дауыстар,
Жүрек-өзен,
Жатыр соған құйылып!..
Шопан жігіт баса киіп тымақты,
Жанарынан таратып нұр-шуақты.
Көкжиектен бара жатыр күн құлап,
Қыз көтерген алтын табақ сияқты.
Суретші ғой бұл табиғат ұстарған,
Түн ұзарып,
Күндіз біраз қысқарған.
Шуда бұлттар көкжиекке көшеді,
Ән тыңдаймын,
Күзгі қайтқан құстардан.
Тырналар да ұшты тынбай қат-қабат,
Қайда кеткен,
Қарлығаштар ақ қанат?
Қайтқан құстар әні қандай мұңлы еді,
Қайталаймын ертелі-кеш жаттап ап.
Бір тынбайды көңілім менің күнде алаң,
Бұл өмірге келіп-кетер түрлі адам...
Қараймын да сол бір қайтқан құстарға,
Жан құлазып, өз-өзімнен мұңланам.
Сусылдаған қанаттардан күй ақты,
Дірілдетті нәзік жасыл құрақты.
Келеміз де бүл өмірге, кетеміз,
Бейне сол бір қайтқан құстар сияқты.



Пікірлер (0)

Пікір қалдырыңыз

Жамбыл ата жерінде

  • 0
  • 0

Жеріңе келіп тұрмын, Жамбыл ата,
Кеудемнен кербез көлге ән құлата.
Жасынды бер деп, сірә, тілемеймін,
Ақжолтай батаңды бер, даңғыл ата.

Толық

Қиыла қарап артта...

  • 0
  • 0

Жүрекке —
Жанарынан от жандырып,
Жаныңды —
Жымиғаны шаттандырып.

Толық

Түн бүркеп қарашығын

  • 0
  • 0

Туып-өскен мекенім,
Көзім көрген,
Ақ сүтіңнен нәр алдым әзің берген.
Оралған елге осынау перзентіне,

Толық

Қарап көріңіз