Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. 1980

Марфуға Айтқожина

1980

  • 16.08.2018
  • 0
  • 0
  • 1433
Жаңа жыл! Кештеріңді жақсы көрем,
Жандарға сыйлайтұғын шаттық ерен.
Жүректі жалынға орап жандырады,
Жарысып, екі тентек жастық, өлең...
Көңілді күйге оранды далам бүгін,
Сыйым — өлең, ұсынған саған бүгін.
Аппақ күнде тілеймін қашан да мен,
Адал жанды жандардың амандығын.
Ақ тілекті ұшырып қарлығаш қып,
Ән болып, өзіміз де өнеге ұластық.
Ажары ақша қардай арулардың
Тілеймін, жанарына мәңгі жастық!
Адамды асықтырған биіктерге,
Шертіліп тұрсын дәйім, үміт — перне.
Перзентхана үйіне сәттілік бер,
Ақыл, айбат, жалын бер жігіттерге.
Дарытпа сараңдықты ер көңілге,
Тыныштық шалқып жатсын жөргегінде.
Татулық бер, жандардың бәріне де
Жасайтұғын осынау жерде бірге!..

Марфуға Айтқожина 1980 Марфуға Айтқожина өлеңдері

Пікірлер (0)

Пікір қалдырыңыз

Көгершіндер

  • 0
  • 0

Көгершіндер, көзіме ыстық көрінген,
Келдіңдер ме, менің шалғай жерімнен?
Келдіңдер ме, шын сезіммен берілген,
Көкірегіңнен өнің ыстық төгілген,

Толық

Сыр берме

  • 0
  • 0

Көрмегелі көп болып дала — қызды,
Көңіл бірдей желпініп алақызды.
Көздер бар ғой отырар төне түсіп,
Ұмытып ойнап жүрген балаңызды.

Толық

Ауладағы гүлге қарап

  • 0
  • 1

Су берші гүлге,
Қызым,
Шөлдеді ғой,
Шел буса нәзіктіктің өлгені ғой,

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер