Марфуға Айтқожина

Көгершіндер

Бұл бетте «Көгершіндер» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.08.2018
0
0
2497

Көгершіндер, көзіме ыстық көрінген,
Келдіңдер ме, менің шалғай жерімнен?
Келдіңдер ме, шын сезіммен берілген,
Көкірегіңнен өнің ыстық төгілген,
Сағыныш қой, араласқан шеріңмен!..
Көгершіндер, қандай ғана сәнді ең,
Бастарыңды қосқан шашқан дән білем...
Татулығың үшін жүрер таласпай,
Қалар едім, қастарыңда мәңгі мен,
Түсініксіз әңгімең.
Қонасыңдар тереземе таласа,
Табысқаның, өбіскенің тамаша!
Аялайсың бір-біріңді соншалық,
Үйіріңнен бөліне қалсаң оңаша,
Мейірімің дүниені жылытқандай,
Емірене, еркелейсің балаша!..

Марфуға Айтқожина көгершін көгершіндер Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар