Өлең, жыр, ақындар

Асау арна

  • 16.08.2018
  • 0
  • 0
  • 1458
Сезімнің өзі де бір асау арна,
Жатпайды ол тығылып тасаларда.
Келер ол көктем болып,
Күй бөктеріп,
Көк желегін жамылып,
Жасанар да.
Сезімнің өзі де бір асау арна,
Биіктен ағытылар,
Бас алар да...
Толқынымен лақтырар
Тосқыныңды,
Таудың да бөгеті оны
Тоса алар да...
Толқыныңмен лақтырар
Тосқыныңды,
Таудың да бөгеті оны тоса алар ма?!.
Жасыр ма ол
Жанарға жас алар ма,
Сан үміттер жетелеп,
Басады алға.
Сезім — ол сәйгүлік белдеудегі,
Желдей есіп,
Желпінер босанар да!
Сезімсіз көңіл гүлдеп,
Құлпырар ма,
Сезімсіз өмір алға ұмтылар ма?
Сезім ғой,
Жек көрсетер жетесізді,
Сезіммен жақсыға жан ынтығар да!..



Пікірлер (0)

Пікір қалдырыңыз

Қиял шындығы

  • 0
  • 2

Естігенде аспан жайлы ертегі,
Қиял теңіз бір шайқалып қалатын.
Жүрегімді қуанышты үн шертеді,
Арман, арман, қақты биік қанатын.

Толық

Әншінің үйіндегі ой

  • 0
  • 0

Көп қой, шіркін, өмірде сый түрлері,
Дауысың қандай нәзік сыйқырлы еді.
Жатыр ма еді ішіңде шер мен нала
Япыр-ай, жай жымиған сыртың ба еді.

Толық

Сапарда туған сан ойлар

  • 0
  • 0

Дұғай сәлем еліме Омбыдағы,
Омбы деген білімнің мол бұлағы.
Қарасаңыз Омбының өткеніне,
Талай терең ойларға шомдырады.

Толық

Қарап көріңіз