Марфуға Айтқожина

Ақ Еділ, арманым ең

Бұл бетте «Ақ Еділ, арманым ең» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.08.2018
0
0
2010

Мен болдым Ульяновск қаласында
Мен болдым Ульяновск қаласында,
Өр тұрған
Өмірдің сан таласында.
Жанарға сонша жылы көрінеді,
Жасыл үй —
Жасыл орман арасында.
Мен болдым Ульяновск қаласында,
Жайғасқан жайсаң Еділ жағасында.
Бұл да бір арман еді қашаннан да,
Бір болып қайтсам дейтін дәл осында.
Мен болдым Ульяновск қаласында,
Қаншама сыр, естісең
Қанасың ба...
Орыстың ұланғайыр даласында —
Ұқсайсың.
Бақыт қонған дара шыңға!
Ешкімнің қақысы жоқ таласуға!
Не дейін бұл қаланы әсем демей,
Шығыстың желі еседі
Бәсеңдемей.
Көрген түс пе деп қалам осының бәрі,
Айтқанда жалғыз сөзбен әсерлемей.
Мен болдым Ульяновск мекенінде,
Құлшынып жылдар тұрған
Жетегінде.
Еділдің ерке толқын,
Ескен желі,
Қия алмай,
Көп қарадым кетерімде.

Марфуға Айтқожина арман Еділ ақ еділ арманым ең Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар