Өлең, жыр, ақындар

Аппасионата

  • 16.08.2018
  • 0
  • 0
  • 1220
Құшағы толғандай бір лала гүлге,
Шалқыды даласымен бала бірге.
Бетховеннің құдіретті сазды әуені
Жетелеп жолаушыны барады үйге.
Серпе тастап өткен күн түндіктердің,
Шалқытып күй сазынан
Шындық лебін.
Шерлі сыр ақтарады күй сандығы,
Тұтқындап жан дүниеңді сұмдық сезім.
Ол күйде жатыр жүрек суреттері,
Ол күйде жатыр ғасыр құдіреттері.
Ол күйде жатыр әне,
Ұшқыр ойдың,
Тұтасқан, түйдектелген тың лектері.
Ол күйде жатыр заман тыныстары,
Ол күйде жатыр жаздың күміс бағы.
Ол күйде жатыр талай толғаныстар,
Осы күй қозғау салар ұлы іске әлі!..
Ол күйде жатыр талай құбылыстар,
Ол күйде жатыр бұраң, бұрылыстар...
Ол күйде асқақ ерлер даусы бар,
Жығылмас әділеттің туын ұстар.
Ол күйден уақыт көші дүркіреді,
Адамның жортқан небір түлкілері...
Жан төзбес жауыздықтың жағасынан
Жаңа күші дәуірдің сілкіледі!
Құшағы толғандай бір лала гүлге,
Шалқиды даласымен бала бірге.
Бетховеннің құдіретті сазды әуені,
Жолаушыны жетелеп барады үйге...



Пікірлер (0)

Пікір қалдырыңыз

...Сол қара шаш

  • 0
  • 0

Жимашы, торғын қара шашынды анау,
Жанымды отыңа өртеп басылмады-ау.
Шіркін-ай, еркімді алған сол қара шаш,
Арман, арман!..

Толық

Қош, ана

  • 0
  • 0

Білмеймін, кеш пе еді, ерте ме еді,
Жас жаным кімге ұмсынып еркеледі.
Бақытын алыс кеткен іздей ме әлде,
Көңілім көп арманды шертеді енді.

Толық

Сәйгүлік

  • 0
  • 0

Ал, құрбым, көлік дайын, жүр кетелік,
Жолдардан бізді күткен бірге өтелік.
Алатауым — ақ отау мың сан қонған,
Көгілдір сағым биік тұр көтеріп.

Толық

Қарап көріңіз