Өлең, жыр, ақындар

Көгілдір өлке, көк Дунай

  • 16.08.2018
  • 0
  • 0
  • 1694
Тарт, Шамша,
Өрге қарай аттың басын,
Көк Дунай бізді бүгін жатсынбасын.
Қайтайық желқайықпен желе жортып,
Ел сеніп, бұл сапарды тапсырғасын.
Асау Дунай, толқыны атырылған,
Жыр күтіп жатырмысың ақыныңнан.
Жаяйын жыр желкенін желбіретіп,
Дауылың қайда дейтін сапырылған.
Шағалалар ұшады және тынбай,
Құйылады қолыма қонатындай.
Ақ қанат асау толқын аласұрған,
Тұра тұршы аяққа оратылмай,
Осы бір сәт мәңгі есте қалатындай.
Жерде толқын, аспаннан жауын бүркіп,
Шама жоқ долы бұлтта қалуға іркіп.
Теңселдіріп қайықты тербей түсті,
Толқындардың жағасын дауыл жыртып.
Көпке дейін сол сурет айықпады,
Көңілге сонша тәтті ой ықтады
Өмірде де дәл солай тербей берсе,
Өлеңнің толқын құшқан қайықтары!..



Пікірлер (0)

Пікір қалдырыңыз

Өзендердің — домбыра

  • 0
  • 0

Аяулы ел бұл далаға гүл өсірген,
Гүлжамалдай мақташы қыз өсірген.
Қайсар ел бұл қашан да қиындықпен,
Беті қайтып көрмеген күресуден.

Толық

Мен неге кеш ұқтым...

  • 0
  • 0

Барады бұлттарды кешіп күн,
Сәулесі жер бетін есіп мың.
Далада еркіндеп өсіппін,
Жыл озды мен біраз кешіктім.

Толық

Әже әлдиі

  • 0
  • 1

Әлди-әлди, бөбегім, балапаным,
Сен үшін кеудемнен нұр тартамын.
Қыран болып самғарсың,
Төменде қалып заңғар шың.

Толық

Қарап көріңіз