Өлең, жыр, ақындар

"Алтын жазық"

  • 16.08.2018
  • 0
  • 0
  • 1534
Күресуден көрмеген халқың қажып,
Ел көсемі — қашан да алтын қазық.
"Ақын болса толғанып, қалсын жазып",
Дегендей, тербеледі "Алтын жазық".
Көңілі шат, еңселі халық бүгін,
Арқалап ғасыр алып сырын.
Махаббаты шырақ болған
Ер жүрек Христодай тынытты ұлын!
Араладық болғардың алыс қырын,
Болғар елі достықтың танытты үнін.
Жамбыл жыры алдымнан тосып алды,
Тереңнен ағартқандай таныстығын.
Тартатын өрге тынбай шабыт жүгін,
Мақтануға тұрарлық табыс бүгін.
Ақындар аруағы аспанға өрлеп,
Қазақ жырын жатқа айтты халық бүгін.
Осының өзі қандай жарасымда,
Теңермін бе достыққа бар асылды.
Жүрегі гүл, жүзі нұр алаулаған,
Жұрты бейне жұбанғыш бала сынды...
Жолменен "Алтын жазық" жарыстырып,
Жанға жақын көрінді, алыс тұрып
Светазар Петрушков Зрачанды —
Келеді жан-жақтылы таныстырып...
"Алматыға жол түсті өткен жылы,
Арман етіп жүруші ем көптен мұны.
Жамбыл елін еркімше араладым,
Жаныма жыр сыйлады көктем күні!..
Дастан — дала!
Жайғандай жасыл кілем, айтары жоқ,
Бұл қазақ батыр кілең!
Абай, Жамбыл жырларын сыйға тартты,
Сырласпын, содан бері жақын білем.
Көргенім көз алдымда күн ұзынғы,
Дастаннан оқығандай мың үзінді...
Тамсанып жүрмін әлі, ұмыта алмай,
Таңдайға бал татыған қымызыңды!
Ойнақы жас келіншек, батыл жаны,
Есімде, қымыз құйып, сапырғаны.
Миллиард көшін бастаған ұл мен қыздар,
"Өшпес өлең, көңілде жатыр бәрі!.."
Келеді аз сөзімен көп ұқтырып,
Жалғай түсіп ойларын толықтырып.
"Қазақстан комплексі" бізде орнатқан
Тодор Живков, көрді өзі келіп тұрып.
Қосылып бір жаңалық малды ауылға,
Ие болдық көпшілік қолдауына.
Болғар ұшқыш-космонавт қазағыммен,
Құшақтасты, қоныстап Байқоңырда..."
Көңілге алған бір іс орындалып,
Күліп қойды жымиып, қолымды алып.
Ежелден елдігі бар, ерлігі бар,
Емес-ау, болғарлар да тегін халық!
Жүрек сезер жатың кім, жақындау кім,
Бауырым, мен де өзіңе батылдаумын.
Балқан мен Алатаудың биіктерін
Жырлары жалғап жатты ақындардың!..



Пікірлер (0)

Пікір қалдырыңыз

Шымылдық

  • 0
  • 0

Ғажабын-ай, самал ескен іргенің,
Жұпар иіс бүркеді ғой бір керім.
Алты қырдан аттан түсіп аялдап,
Ауыл жаққа қысыла қарап тұр "келін".

Толық

Қамқалы

  • 0
  • 0

Елпілдеген, мөлтілдеген, Қамқалы,
Шақырады, алыстан көз тартады.
Құм жоталар, артқа тастап белдерді,
Бетке ұстаған Сарыжайлау, Арқаны.

Толық

Айтшы неден

  • 0
  • 0

Айтшы неден көңіліңді қалдырдым,
Айтшы неден үмітіңді талдырдым.
Айтшы неге тұтандырып бір отты,
Неге осынша жандырдың.

Толық

Қарап көріңіз