Өлең, жыр, ақындар

Немере

  • 17.08.2018
  • 0
  • 0
  • 7688
Дүниеге келді тұңғыш немерең,
Сен өзіңді бұрын жас деп сенер ең.
Алыс сапар жүріп қайтсаң жеңгейге,
Өзің дағы бір бала боп келер ең.
Міне тағы орындалды бір арман,
Толқын атып, таси түсті нұр арнаң.
Өзің еккен жас шыбықтан кешегі,
Жапырақ жайып, жайқалады —
Ну орман.
Жүрер адам көп нәрсені үміт қып,
Көмкерсе де қара шашты күміс шық.
Дүниеге келген күні немерең,
Қимай, әттең, қоштасты ма
Жігіттік.
Қарсы аласың өмір заңын таңданбай,
– Ата, дейді,
– Әу, дейсің ғой шамданбай.
Былдырлаған бал тілінде бөбектің,
Кетті-ау жастық,
Қол бұлғаған армандай.



Пікірлер (0)

Пікір қалдырыңыз

Шын мықтылар

  • 0
  • 0

Бұл жақсы, дейтіні жоқ жаман ақын,
Жұрт біледі, Ақындар жамағатын.
Әркім-ақ өзін мықты санар бәлкім,
Шын мықтылар

Толық

Той толғанысы

  • 0
  • 0

Мәңгілік даңққа бөлеп сүйікті елді,
Асты, әне,
Өмір көші биік белді.
Партия сарқылмайтын мол шуағын

Толық

Жазғы аспан

  • 0
  • 0

Жадырайды, жаудырайды жазғы аспан,
Ақша бұлттар баурайында қаз басқан.
Алдым заңғар жолы жатыр бұралаң,
Таймау үшін келем көзді жазбастан.

Толық

Қарап көріңіз