Өлең, жыр, ақындар

Орден алғанда

  • 17.08.2018
  • 0
  • 4
  • 9051
Тоқсандағы Жамбылға
Толқынданып сөз келді.
Көктеменің көгіндей,
Кәрі өмірім өзгерді..
Ел еңсесін көтерген.
Шаттық заман кез. келді.
Өмір берді Сталин,
Бозбаламын мен де енді.
Алтын орден алғаным
Терең жырдың тиегі.
Көрікті Отан алдына
Ақын жырын үйеді.
Қайнаған іс, қалық күш,
Қаһарманын сөз қыла,
Ақ иық қыран құс боп ұш,
Сайра шешен домбыра.
Бой балқытқан үніңмен
Жалпы әнімді бір шайқа;.
Тұрмыс оңды, көңіл шат,
Еліндегі жырды айта.
Винтовкасын кезеніп,
Сарбаз шықса соғысқа,
Домбырасын безеніп,
Жамбыл барад соғысқа..
Жамбыл және М. И. Калинин
Жаудың мойнын жұлдыра
Сарбаз шапса қылышын,
Жау жүрегін сындыра
Жырдың салам құрышын.
Жырдың терең болуы
Ұлы Сталин желісі.
Күшті қуат мендегі
Бахытты елдің өрісі.
Ол, Сталин, — күн нұры,
Қымбат күннің жарығы.
Бердім саған жүректі,
Ұлы Отанның халығы.
Жолбасшы көсем, ұлым деп,
Еңбекші халық таныды.
Данышпан сенің алдыңнан
Қазақстанға қайтамын,
Сенен алған қуатпен
Халқыма өлең айтамын.
Барып әзір Отанға,
Байтақ жазық далаға,
Шаттық жырын жырлаймын
Жырымнан ашық нұр жаға!



Пікірлер (4)

Омар Еңлік

Маған Орден алғанда деген өлең жүрегіме жақын болды.Маған Жамбыл Жабаевтың өлеңдері ұнады. Өте мағынасы.

Myrza

Өте керемет!

Женис Нуршуак

Оте керемет

Хайлайтер

Керемет

Пікір қалдырыңыз

Таппаспын сендей салақты

  • 0
  • 6

Атаң сенің Таңат-ты,
Жұртты аузына қаратты.
Мені үйіңе шақырып,
Алып кепсің арақты.

Толық

Тарас

  • 0
  • 0

Украин елінің,
Украин ұлының
Мен есіттім жырлаған
Тарастайын бұлбұлын.

Толық

Майданға хат

  • 0
  • 0

Хаттарыңды алдым, балалар,
Қарадым қанша үңіліп,
Қаһарман іске барабар,
Қайраттар қаулап тұр күліп.

Толық

Қарап көріңіз