Өлең, жыр, ақындар

Қытайға

  • 19.08.2018
  • 0
  • 0
  • 11439
Біздің көрші Қытайға
Жапон тағы ұрынды,
Қан іздеген, аш қасқыр -
Керетін емес тынымды,
Манжурды басып алған да,
Қытайға бәле салғанда,
Көріп ек сонда-ақ зұлымды.
Жазықсыз елді жаралап,
«Қуа берсе қорқақты;
Батыр болар» — деген сөз
Осыған келер ырымды,
Оңай-ақ басып алам деп,
Басына бәле салам деп,
Теңеген ед фашистер
Қытайға әлсіз шыбынды,
Бірақ, қытай қозғалып,
Намысын халық қолға алып,
Бас қосып қарсы аттанды,
Бұзбаймын деп жұбымды.
Қандай айла қылса да
Жапонның сұм жыланы,
Жыртқыштардың тұмсығы
Қан жалата ұрылды.
Тегеуріні темір, көп халық,
Ұйымдасып ат қойғанда
Жаудың беті сырылды.
Чжу — де деген бір батыр
Халық әскерін бастаған,
Ер екен тым айбынды
Он мыңдаған жапонның
Қолдарын қойдай қуғанда,
Қандырды мүлде қыбымды.
Әр майданнан ер шығып,
Қирата жауды жеңгенде
Еңбекшісі әлемнің
Құттықтады мұныңды.
Қазақстан елінен,
Отаны бахыт жерінен —
Құттықтаймын мен дағы,
Жау қуған әрбір ұлыңды!



Пікірлер (0)

Пікір қалдырыңыз

Тауда

  • 0
  • 0

Мен бір шал тоқсан жасты құрдас еткен,
Тайғанап жүре алмаймын қия беттен.
Ел кезбей атқа мінбей, араламай,
Жатамын үйде тыныш сол себептен.

Толық

Сұр жылан

  • 0
  • 0

Ысқырды тағы сұр жылан,
Екі айыр тілі у жылан,
Бахытты бейбіт елімде
Жасырынған сұм жылан,

Толық

Алғыс

  • 1
  • 17

Дос-жараным, өренім,
Сүйінішпен келіпті.
Бәрін билеп денемнің
Бір қуаныш ерітті:

Толық

Қарап көріңіз