Өлең, жыр, ақындар

Өнердің өсуі

  • 19.08.2018
  • 0
  • 3
  • 16287
Нeге шықсын домбыра
Жаңадан шек тақпаса,
Таққанынан не пайда,
Бабыменен қақпаса,
Құр қағудан не пайда,
Ән менен күй таппаса.
Құйқылжыған кұс әуез,
Қосылып соған айтпаса.
Көркем өнер жас бөбек
Сүйкімді болмас бақпаса,
Тортасын алған бал қаймақ
Бойына сылау жақпаса.
Үлпілдеген қызыл шоқ
Басына үкі тақпаса,
Бөбектер келер өсімтал,
Еркелетіп мақтаса.
Жамбылдың аты ақын ба,
Жылғадай жыры ақпаса,
Ақын деген бір бұлақ
Көмілер кезін ашпаса.
Көзін ашар көпшілік
Сүйсіне тыңдап қоштаса,
Алтын сөзде ас болмас
Елеусіз жерге тастаса.
Ер қадірін ер баққан
Ерлер білер деген сөз,
Зер қадірін зер соққан
Зергер білер деген сөз.
Өмір барда ескірмес,
Бағасы құнды өрен сөз.
Алтын ірге ел барда,
Сталин сынды ер барда,
Өрлеген елім өнерпаз,
Елі жақсы адамнан,
Ері жақсы адамнан,
Туар ма бала жігерсіз.
Тоқсан үште Жамбылды,
Күләш сынды бұлбұлды,
Сталин сынды бақшасы —
Өсірді демей не дерсіз.



Пікірлер (3)

Замира

Керемет

Замира

Өте өте керемет

Арука

Тамаша супер

Пікір қалдырыңыз

Клим батыр

  • 0
  • 1

Қылышынан қан тамған,
Найзасынан зәр тамған,
Іргелес елді жылатқан,
Ордасын, туын құлатқан:

Толық

Өлім мен өмір белдесті

  • 0
  • 1

Аз сөйлеп, көпті болжаған,
Арыдан терең ойлаған,
Сталин данам, қарағым!
Сөзіңді естіп сөйлеген,

Толық

Толғау

  • 0
  • 6

Жас отызға келгенде,
Даланың түрі өзгерді,
Өзгергенін көз көрді.
Күл-талқан боп төрт қазы,

Толық

Қарап көріңіз