Эссе және өлең-жыр байқауы

Дәрігерлер съезіне

  • admin
  • 20.08.2018
  • 0
  • 0
  • 1390
Қазақтың тиеп алған көп мақалын,
Мен өзім көпті көрген ақ сақалмын.
Дәрігерлердің съезін құттықтарда
Солардың бәрін де мен есіме алдым.
«Байлық алды — денсаулық» — деген мақал,
Ғасыр бойы жатталып келе жатқан.
Халық айтса қалып айтпас дегендейін,
Дұрыс-ақ, орынды сөз тауып айтқан.
Өткен күн көзге танық, ойға елесті,
Білемін қан сасыған заманды ескі,
Жасы жүзді қусырған кәрі Жамбыл,
Басынан өткерген ғой не белесті. •
Қанқұйлы Николайдың заманында,
Езіліп елім оның табанында,
Халқымды қай-қайдағы ауру басып,
Оба кеп, елді қойдай қырмады ма?
Оба кезіп қазақтың cap даласын,
Өлімнің жалаңдатып ұстарасын,
Нелер қыршын, нелер сабаз халық ұлының
Мезгілсіз қиып кетті жас қолқасын.
Сүзек, шешек, мерездер айналдырып,
Халқымды аурумен булықтырып,
Есімді, еркімді алып езген патша,
Қырылса қараған жоқ мойнын бұрып.
Hұp шашқан Сталиннің заманасы,
Халқымның бәрі түгел мал мен басы.
Ауру әлдеқашан арылды елден,
Қазақтың дем алды еркін сахарасы.
Сталин ардақтайтын адам басын,
Аударып халқыма шын ықласын,
Елімнің денсаулығын ойлайды ылғи,
Күлімдеп. күн сияқты нұрын шашып.
Гүлденген қызғалдақтай қыздарымның,
Айбатты арыстандай ұлдарымның,
Дені сау, әл-қуатты болуы үшін,
Салады Кремльден көзінің қырын.
Құттықтап съезіңді дәрігерлерім,
Бәріңе жүрегіммен сәлем бердім.
Денсаулық майданында балаларым;
Әрдайым орындаңдар ел тілегін.
Атану ел дәрігері үлкен атақ,
Сақтаңдар сол атақты іспен ақтап.
Сақтаңдар денсаулығын Отанымның,
Құртыңдар ауруды келген отап!

Басқа да өлеңдері

Сыйлық

  • 0
  • 0

Туған елім, сөз тыңда!
Саған айтар сөзім бар.
Атақ беріп Жамбылға
«Ардақты, ерке—дедің,—шал»,

Толық

Шағым

  • 0
  • 13

Шып-шып етіп молданың
Қолындағы тобылғы,
Қозғалтпайды жон жағым,
Талай дүре соғылды.

Толық

Өсиет

  • 0
  • 14

Ой-хой, дүние серуен!
Адам бір көшкен керуен.
Дүниені қызық қалдырып,
Асамыз өмір белінен.

Толық


Пікірлер (0)

Пікір қалдырыңыз

Басқа сайттағы жаңалықтар:

Жүктелуде...