Өлең, жыр, ақындар

Жаңа жыл сәлемі

  • 22.08.2018
  • 0
  • 1
  • 13051
Жастар маған гүл тартып,
Мен жастарға жыр тартып,
Жаңа жылды тойлағам.
Жан қызыққа құмартып,
Өмірімді ұзартып
Ортасында ойнағам.
Жасаулы жас қарағай —
Жас өспірім баладай
Қарасам, көз тоймаған.
Соған ұсап гүл жайнап,
Жүруші еді жыр сайрап
Қыз балам мен бозбалам.
Жаугершілік күн туып,
Жұрт майданға ұмтылып,
Ұмытылды ол заман.
Енді көрсем жастарды
Тас түйілген қаһарлы,
Халық қамын ойлаған:
Күн сарылып, түн қатқан,
Қабағына қар қатқан,
Қару асқан зор адам;
Мұздай темір құрсанған,
Алыптарға ұсаған,
Аспафанды толғаған.
Қарлы боран ішінде,
Қаһарманның түсінде
Елестейді сол маған.
Оққа төсеп кеудесін,
Күшпен басып жау десін,
Туған елін қорғаған.
Қызым менен ұлыма
Соғыстың жаңа жылында
Сыйлығым — жыр жолдаған.



Пікірлер (1)

???

Өте керемет!

Пікір қалдырыңыз

Алатау

  • 0
  • 8

Тізілген таулары бар Жетісудың,
Ішінде орман, тоғай біткен нудың,
Дариядай тулап аққан сол таулардан,
Көресің тамашасын аққан судың.

Толық

Балама хат

  • 0
  • 9

Хатыңды, ботам, оқыдым,
Халіңді білдім сапардан.
Қуанып саған отырмын
Гвардеец атанған.

Толық

Соңғы сөз

  • 0
  • 2

Сөндің бе жарқыраған шам-шырағым,
Қалдың ба тас бітеліп қос құлағым?
Жатсам да төсек тартып дәрменім жоқ,
Сеп болып сөйлетесің жалғыз жағым.

Толық

Қарап көріңіз

Басқа да жазбалар

Пікірлер