Марфуға Айтқожина

Ауыл барсаң

Бұл бетте «Ауыл барсаң» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.08.2018
0
0
4091

Ауыл барсаң,
Тауларын аралай бар,
Қаптап өскен қарсы алар қарағайлар.
Күнше күліп бөбектер шықса алдыңнан,
Қолыңды алар қуанып нар ағайлар.
Ауыл барсаң,
Тауларын аралай бар,
Саған тұғыр шындары,
Маған айбар.
Айдындарда сабырлы сазан тулап,
Жарқ-жұрқ етіп шағала жағада ойнар.
Ауыл барсаң,
Даласын аралай бар,
Ой мен қырын,
Көлдерін сағалай бар.
Ат тұяғын көгілдір нілмен бояп,
Үзеңгіңе оралар көгорайлар.
Ауыл барсаң,
Тауларын аралай бар,
Жадыратар жаныңды жағажайлар.
Қарағайлар секілді қаулап өскен
Санаңда да самсаған қалады ойлар.

Марфуға Айтқожина ауыл ауыл барсаң Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар