Өлең, жыр, ақындар

Ізде мені...

  • 22.08.2018
  • 0
  • 0
  • 2337
Ізде мені...
Өшкелі тұрған шамның пілтесінен,
Түскелі тұрған гүлдің күлтесінен,
Ойлардың астарынан, тіркесінен...

Құра мені...
Шашылған моншақтайын сезімдерден,
Жалғанбас сынықтардан, төзімдерден,
Мазасыз сан түндерден көз ілмеген.

Аңса мені...
Арадай аңсап ұшқан гүл шырынын,
Татсам деп нәрлі балын бүршігінің,
Аңсашы... қадірімді білші, күнім.

Сақта мені...
Шаң басқан сөредегі хат болайын,
Сезімді шаң бората ақтарайын,
Мың қайтара оқышы... жатталайын.

Сезін мені...
Самалмен сипағанда шаштарыңнан,
Шабыттың көз ілеспес асқарынан,
Сезін мені сәттерден, қас қағымнан.

Ойла мені...
Төлеген ойлағандай Қыз Жібегін,
Сары бақ ойлағандай күзгі лебін,
Ойыңменен ерісін мұз жүрегім.



Пікірлер (0)

Пікір қалдырыңыз

Шыдамдымын, бұл шыдамым бір күні

  • 0
  • 0

Шыдамдымын, бұл шыдамым бір күні
Таусылады аяқ асты, біл мұны.
Шыдамдының шыдамымен ойнасаң
Талқан етер бүкіл әлем күлліні.

Толық

Шыбын

  • 1
  • 0

Көптен бері қыбырлап, боп жатқан соң той қамы,
Көйлек тігіп отыр ем, өнерді жиып бойдағы,
Бар ойым мен зейінді мың аударып , сан бұзып
Бір «оңбаған» көк шыбын маза бермей қойғаны.

Толық

Бәрібір сүйемін көктемді...

  • 0
  • 0

Білсе де білмеген сыңайлы,
Мына күз халімді сұрайды.
Ренжісең ренжи бер, қоңыр күз
Маған тек гүл көктем ұнайды.

Толық

Қарап көріңіз