Өлең, жыр, ақындар

Шыдамдымын, бұл шыдамым бір күні

  • 22.08.2018
  • 0
  • 0
  • 2526
Шыдамдымын, бұл шыдамым бір күні
Таусылады аяқ асты, біл мұны.
Шыдамдының шыдамымен ойнасаң
Талқан етер бүкіл әлем күлліні.

Сабырлымын, Алла сабыр сыйлаған,
Сан жылдардың сынығынан жинағам.
Сабырлықты момындық деп шатысып,
Сен басынсаң кәдімгідей қиналам.

Үндемеспін, мылқау екен демегін,
Сөз маржанның тере білем керегін.
Үндеместің тілін қолдап шығарсаң,
Тоты құстан ары сайрап беремін.

Шағым менен арыздарға кедеймін,
Анауым жоқ, мынаны әпер демеймін.
Шын ниетпен бір тал гүлді сыйласаң,
Оны дағы үлкен сый деп елеймін.

Көңілдімін шад-шадыман пішінде,
Дұшпаныма күлкі болмау үшін де.
Қайғы мұңы жоқ екен деп ойлама,
Мұңның бәрі сол күлкімнің ішінде.



Пікірлер (0)

Пікір қалдырыңыз

Арды тыйып

  • 0
  • 1

Арды тыйып,
Малды жиып
Көкіректі кең кердің.
Күнде жиын

Толық

Алматыға бәрі бір...

  • 0
  • 0

Жыладың ба, күлдің бе,
Мұңға батып жүрдің бе,
Күніңді жақсы сүрдің бе,
Алматыға бәрі-бір...

Толық

Бәрібір сүйемін көктемді...

  • 0
  • 0

Білсе де білмеген сыңайлы,
Мына күз халімді сұрайды.
Ренжісең ренжи бер, қоңыр күз
Маған тек гүл көктем ұнайды.

Толық

Қарап көріңіз