Ақпан айы

Бұл бетте «Ақпан айы» атты Күләш Ахметова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 28.08.2018
  • 0
  • 0
  • 6420
Қалайша іздемейін, жоқтамайын?
Қарасам,
Мұңаяды бақта қайың.
Аппақ қарын төсейді жүрегіме
Ақпан айы —
Өзіңнің кеткен айың.
Сен барда асқақ еді әл-қуатым,
Көңілімнің көгінде Ай туатын.
Мен сияқты іздеумен өтер енді
Сырларым саған ғана айтылатын.
Адамдар, қанаттарым олар менің,
Солар барда кем көңіл толар дедім.
Бақытсызбын демейін,
апа,
бірақ
сен болсаң бақыттырақ болар ма едім?...
Өксікті көмейіме көп тығылған —
Жасырам,
Еркелік те кетті ұғымнан.
Сан рет сағым сынды, апа, менің
Өмірде сенің ғана жоқтығыңнан.
Бәрін сенсіз басымнан өткеремін,
Неткен сұмдық!
Көз жасын төкті өлеңім.
Ақ шанамен ақ қарда кеткен едің,
Содан бері ақпанды жек көремін!


Пікірлер (0)

Пікір қалдырыңыз

Жиі қойылатын сұрақтар

Ақпан айы өлеңінің авторы кім?

Күләш Ахметова — осы өлеңнің авторы.

Ақпан айы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Ақпан айы өлеңі не туралы?

Бұл өлеңде Күләш Ахметова өз ойы мен сезімін көркем түрде жеткізеді.

Ақпан айы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері