Өлең, жыр, ақындар

Таңырқама ақ шашыма

  • 04.09.2018
  • 0
  • 0
  • 2465
Таңырқама,
Ақ шашыма қарама,
Бәрібір мен боямаймын қараға.
Тау басында жатқан қардай қысы-жаз
Күміс қырау жараспай ма анаға!
Отырғаның жарасымды жанымда,
Соның өзі орамай ма жалынға.
Ақ талдардың әрқайсысы алуан сыр —
Қуанышым,
Күлкім,
Шерткен зарым да.
Анашымды жасырғанда тас қабір,
Жиырмада түскен қырау шашқа бұл...
Содан бері өтті жылдар,
Ақты су,
Көрдім талай жандарды да тас бауыр.
Сонда жатыр шеккен сапар,
Тірлігім,
Сонда жатыр айтылмаған бір мұңым.
Ерте ағарған шашқа қарап біреулер,
Өздерінше жорамалдап жүр бүгін.
Таңырқама,
Ақ шашыма қарама,
Бәрібір мен боямаймын қараға.
Қара түнек баспаса екен көңілді,
Қара түнек орнамасын далаға!..



Пікірлер (0)

Пікір қалдырыңыз

Жағалауда

  • 0
  • 0

Белгісіз теңіз кәні,
Бұлты кәні,
Тұтасып аспанға бу ұмтылады.
Тентек қой, теңіз жаны көнбес тегі,

Толық

Қыран жеткен

  • 0
  • 0

Жетіпті биігіне қыран бүгін,
Көрсетер қыран солай қырандығын.
Туған жер мәпелеген түлек үшін
Ақын да ағыл-тегіл құяр жырын.

Толық

Қиындықтар кешсем мен

  • 0
  • 0

Мен кеттім, ел ұйқыда, ояу дала,
Тұрған есіп қоңыр жел баяу ғана.
"Ортамызға келді деп, бір ақын қыз",
Жылы сөзбен қарсы алдың, аяулы аға.

Толық

Қарап көріңіз

Басқа да жазбалар