Өлең, жыр, ақындар

Жаныңдағы жарылысқа қарамас

  • 05.09.2018
  • 0
  • 0
  • 1495
Жаныңдағы жарылысқа қарамас,
Жайнаң қаққан жақсы қызбын сырт елге.
Өмір осы бағы, соры аралас
Анар ханум, маңайыңнан мұң терме.
Адассам да ақ жүректі әнімнен
Мен жалғанды сүйеді екем өлердей.
Күш-қуатқа жарымаған тәніммен,
Тырмысады жүрек түбі жеңердей.
Шұғыласы шомылдырар шаттық бар,
Бұл жаһаннан бақыт таппай өтем бе?
Алыс күнге асығумен аптықпай,
Күлкі көміп, қас керемін бөтенге.
Кінәсізбін, күнәһар түн басынба,
Күнә татпан таусылмаса күш-айла.
Мен өлгенде қабірімнің басында
Ақындар кеп, жасап жатсын мүшәйра.
Балапандай жырларыма мас бола,
Мазақ етер мәртебелі халық та.
Ерте, кеш пе, тәнді көмер тас мола,
Анар ханум, өміріңнен жалықпа...



Пікірлер (0)

Пікір қалдырыңыз

Көңілсіз күндер басымда

  • 0
  • 0

Көңілсіз күндер басымда,
Сені күтемін сұр түнде.
Неге келмейсің қасыма?
Көзде жасымды сүртуге.

Толық

Енді маған бәрібір

  • 0
  • 0

Енді маған бәрібір сүйгенің де,
Сүймегенің, келгенің, келмегенің.
Сағыныштың отына күйгенімде
Оралмадың, жаныма келме менің.

Толық

Жалғыз бөлме

  • 0
  • 0

Жалғыз бөлме.
Қараша.
Қап-қара әлем.
Қайырымы Алланың өртенді ме?

Толық

Қарап көріңіз