Өлең, жыр, ақындар

Көңілге біз қонақпыз

  • 06.09.2018
  • 0
  • 0
  • 3879
Бұл өмірге түстенген,
Жолаушымыз бәріміз.
Асты бірдей ішкенмен,
Бірдей емес арымыз
Біреуде ар жетерлік,
Айдынына жүзем мен.
Кейде шүкір етерлік,
Кейде күдер үзем мен.
Екі аяқты адам бар,
Тұрмайтын да даттасаң.
Кейде құтты қадамдар,
Кейде қырсық аттасаң,
Көңілге біз қонақпыз,
Көңілге жан сусындар.
Аңқау, әлде олақпыз,
Ал, біреулер, қусыңдар
* * *
Сыйламас тағдыр ұдай шұжықтарын,
Сыйламас саған жалын қызықтарын.
Татқан сайын өмірдің ащы сырын,
Тереңдейді маңдайда сызық қалың.
Қашсаң іздеп қиындық табады да,
Салады мықтап тұрып табанына.
Тарттырсаң да, о өмір, азабыңды,
Тілейтінім, жаманға таба қылма.
Өмір бірде қып-қызыл гүл жайнаған,
Қылықты қыз сияқты тіл байлаған.
Тартысы жоқ тек қызық болса онда,
Жап-жас күйі, қартаймай тұрмай ма адам.
Тартқан білер өмірдің қасіретін,
Сонда да мен емес бас иетін.
Жамандар надандығын сездірмесе,
Жақсылар, болмас еді-ау қасиетің.



Пікірлер (0)

Пікір қалдырыңыз

Әншінің үйіндегі ой

  • 0
  • 0

Көп қой, шіркін, өмірде сый түрлері,
Дауысың қандай нәзік сыйқырлы еді.
Жатыр ма еді ішіңде шер мен нала
Япыр-ай, жай жымиған сыртың ба еді.

Толық

Тырналар

  • 0
  • 0

Оралды тағы тырналар,
(Оралмақ солай жылда олар).
Ұқсайды кейде қайыққа
Бетімен көлдің сырғанар.

Толық

Еркелеймін

  • 0
  • 0

Дарқансың-ау, мынау шексіз далаңдай,
Еркелеймін, өз қолтума балаңдай.
Таңданудан, таңырқаудан тана алмай,
Кетіп барам шырыныңа қана алмай,

Толық

Қарап көріңіз