Өлеңдер Бөлімі

Үнсіз ылғи қарайлап

  • admin
  • 06.09.2018
  • 0
  • 0
  • 679
Айнадай беті жалтырап,
Алысып ойнап айменен.
Жапырақ жүр қалтырап,
Толқында жүзіп жайменен.
Нұрға толы су беті,
Толқындар шулап шетінде.
Аспанның әсем суреті
Кестеленіп бетінде.
Жатыр әне көл тұнып,
Сабасында көлгірсіп.
Самалмен ойнап желпініп,
Майда толқын келді ыршып.
Келді тағы секіріп,
Толасы жоқ толқындар.
Мазасын түннің келтіріп,
Шуландар да, толқындар.
Үнсіз ғана қарайлап,
Отырдым бірде кешкілік.
Тіл қатқандай бар аймақ,
Тұрды бір күй естіліп.
Тағы да тұрмын жағада,
Сыр аңдып толқын үнінен.
Ұқсайды ақын ағаға
Осынау ойшыл түрімен.


Көгілдір тау

  • 0
  • 0

Жері сортаң тебе де аппақ, жол аппақ,
Жолдар жатыр жердің бетін жолақтап.
Өркеш таулар, қоңыр таулар тіркесіп,
Бұйра құмды жастаныпты созақтап.

Толық

Қиындықтар кешсем мен

  • 0
  • 0

Мен кеттім, ел ұйқыда, ояу дала,
Тұрған есіп қоңыр жел баяу ғана.
"Ортамызға келді деп, бір ақын қыз",
Жылы сөзбен қарсы алдың, аяулы аға.

Толық

Прикамье

  • 0
  • 0

Прикамье көнелердің көзіндей,
Көреді ол бар ұлтты да өзіндей.
Көпті кешкен абзал жаны алаңдап,
Ақ таңды да атырады көз ілмей...

Толық

Қарап көріңіз


Пікірлер (0)

Пікір қалдырыңыз

×