Марфуға Айтқожина

Түсім бе әлде

Бұл бетте «Түсім бе әлде» атты Марфуға Айтқожина жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

06.09.2018
0
0
3389

Япыр-ау кеше емес пе,
Егіле сыр ашқаны,
Түсім бе, әлде елес пе,
Мөп-мөлдір дала аспаны.
Еліктеп сол бір әніңе,
Мұңайсам енді сөкпеші.
Мен көнейін бәріне,
Сен ғана мұң төкпеші.
Сарылып кейде ұзақ таң,
Талмаурар кірпік жабылмас.
Минуттар сол бір ұзатқан
Іздесем-дағы табылмас.
Жүректе қалған іздер бар,
Жалыны бар басылмас.
Көгілдір көктем, күздер бар,
Есігін қақсам ашылмас.
Япыр-ау, кеше емес пе,
Егіле сыр ашқаны.
Түсім бе, әлде елес пе,
Мөп-мөлдір дала аспаны.

Марфуға Айтқожина түс түсім бе әлде... Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар