Марфуға Айтқожина

Туған елім

Бұл бетте «Туған елім» атты Марфуға Айтқожина жазған отан туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

07.09.2018
0
0
3722

Туған елім, күн сүйген — Қазақстан,
Түлегіңмін төріңді қалап ұшқан.
Жүрегім — сырлы қобыз күй толғайтын,
Соғыпты саған арнап қазақ ұстаң.
Дауылын көргенім жоқ ескі өмірдің,
Жібек желі алдымнан есті өңірдің.
Зар заман жаспен буып жаншып өткен
Кешегі қазақ қызын ескерді кім?
Бүгін мен еркелеймін, шалықтаймын,
Көңілім құс, қиянға шарықтайтын.
Маңдайымнан сипаған заманымда,
Тіпті де қамықпаймын, тарықпаймын.
Ақ жаным алаңдамас сырға бөтен,
Отаным, бір өзіңді жырлап өтем.
Туған ел, анам өзің аялаған,
Қырмызы гүлдеріңді құндақ етем.

Марфуға Айтқожина туған ел туған елім Марфуға Айтқожина өлеңдері

Пікірлер (0)

Пікір қалдырыңыз

Жиі қойылатын сұрақтар