Өлең, жыр, ақындар

Біреуден біреу артылса

  • 17.03.2015
  • 1
  • 11
  • 164275
Біреуден біреу артылса,
Өнер өлшеніп тартылса,
Оқыған, білген - білген-ақ,
Надан - надан-ақ сан қылса.
Оқыған білер әр сөзді,
Надандай болмас ақ көзді.
Надан жөндіге жөн келмей,
Білер қайдағы шәргезді.
Надан қуанар, арсаңдар,
Таңырқап тұра қалсаңдар.
Татымды ештеме болмас,
Адамсып босқа талтаңдар.
Ақыл жоқ, қайғы жоқ онда.
Ісі жоқ теріс пе, оң ба?
Тіленіп, телміріп ізденер,
Тиын ба яки бір сом ба?
Ит көрген ешкі көзденіп,
Елерме, жынды сөзденіп,
Жасынан үлгісіз шіркін,
Не қылсын өнер ізденіп.
Кісімсіп белгілі білгіш,
Біреуге сондай-ақ күлгіш.
Бұлықсып, бұлданып босқа,
Өзімшіл, оңбаған шерміш.
Кісіде бар болса талап,
Отырмас ол бойын балап.
Жүрер, әрқайдан ізденер,
Алар өз сүйгенін қалап.



Пікірлер (11)

Мадина Асылбек

Өте күшті маған ұнады

Дин@

Өте керемет

У.Г

Маған өте ұнады

Айша

Өте ынғайлы.Рахмет

Кусика✌

Өте өте керемет өлең екен

Сымбат

Маған өте үнады

Мұрат

Абай Құнанбайұлының Біреуден біреу артылса өлеңі керемет

Сара

Оқыған, білген - білген-ақ, Надан - надан-ақ сан қылса!

Риза

Мықты өлең!

Назерке

Абай атамыздың өлеңі керемет қой!

Назерке

Абай атамыздың өлеңі керемет қой!!!!

Пікір қалдырыңыз

Мен көрдім ұзын қайың құлағанын

  • 0
  • 6

Мен көрдім ұзын қайың құлағанын,
Бас ұрып қара жерге сұлағанын.
Жапырағы сарғайып, өлімсіреп,
Байғұстың кім тыңдайды жылағанын?

Толық

Ой

  • 1
  • 4

Қарасам қайғыртар жұрт бұл заманғы,
Салқын, қуыс — өмірі я қараңғы.
Білім де жоқ, білімге сенім де жоқ,
Өнерсіз қартаяр деп біл балаңды.

Толық

Әбдірахманға Кәкітай атынан хат

  • 0
  • 1

Көзімнің нұрысыз,
Сізсіз жоқ қуаныш.
Өмірдің гүлісіз,
Көңіліме жұбаныш.

Толық

Қарап көріңіз