Өлең, жыр, ақындар

50 жасқа толған Әкені қос қызының құттықтауы

  • 01.10.2018
  • 0
  • 0
  • 11320
Қалдыратын жақсы әсермен бүгін із,
Папа, сіздің бүгін туған күніңіз!
Сіз 50-ге толғанда, Әке, жырменен
Құттықтайды сізді ерке қос қызыңыз.

Әрқашан да аман-есен жүріңіз!
Қос қызыңыз – өмірде қос гүліңіз.
Әзіліне құрбы менен құрдастың
Туған күнде шаттаныңыз, күліңіз!

Сізден әр кез тәлім атты көрер із
Қос гүл болып сізді жақсы көреміз.
Әке, сіз бен анамызға тең келер
Табу қиын мына өмірде теңеу із.

Қыздарыңыз еңбекті әр кез ұғынды,
Құтты болсын 50-іңіз бүгінгі!
Жанымызда асқар таусыз біз үшін,
Сіз жоқ жерде орыныңыз білінді.

Туған күннен тек сыйластық білінер,
Сізді де, ана, құрметтейді бүгін ел.
Жеңгей десе сізге еркелеп қайнылар,
Апай дейді сізге еркелеп сіңлілер.

Сіздерменен отбасымыз көктесін!
Біздің үйден шаттық күлкі кетпесін!
Әке, Ана қос бұлағы перзенттің,
Перзент үшін одан артық жоқ та есім.

Өтсе мейлі жылдар, күндер, айлар шын –
Біздің үйге тек қуаныш айналсын!
Шалдықпастан 100-ге, папа, жетіңіз!
Сіз туған күн жылда осылай тойлансын!

Туған күннен жылда әсер ұғыңыз!
Құттықтайды сізді ерке қос қызыңыз.
Біз бар жерде жайдарысыз, себебі
Қос қызыңыз – сіздің шаттық гүліңіз!

Сізді әрдайым перзент көңіл сағынар,
Сіз жоқ жерде жанымыз да жабығар.
Аман-есен ортамызда жүріңіз,
Сізбен ғана жан-жағымыз толығар.
50 жасқа толғанда, Әке, шаттықпен
Қос гүліңнің ақ тілегін қабыл ал!



Пікірлер (0)

Пікір қалдырыңыз

Агент-әлем. Агент-әзiл

  • 0
  • 1

Дейсiң де сөзге өрнек салдым қалай,
От сезiм жыр-жүректi жандырғаны-ай.
Жусан-болмыс қазақтың баласы едiк,
Интернетке байланған тағдырлар-ай.

Толық

Бақыт қонып ақ отау түндігіне

  • 0
  • 0

Жалғастырып кеше мен бүгінгіні,
Еске сап ата дәстүр - бұрынғыны.
Міне, тағы бас қосты ортамызда
Екі жас ұнатқан соң бірін-бірі.

Толық

Үйлену тойы

  • 0
  • 0

Өмірдің сыры махаббатпенен астасып,
Қосылды жастар, бойдақ күн қалды қоштасып.
Осынау күнге куә боп отыр ағайын,
Мінеки, бүгін бақытын тапты қос ғашық!

Толық

Қарап көріңіз